O Pazo Quinteiro da Cruz de Ribadumia será este mércores 19 de xullo o novo escenario do programa cultural Música no Ar, co concerto que ofrecerán Alba Barreiro Trío ao redor do seu proxecto Eixos Cromáticos.
A cita promovida pola Deputación de Pontevedra, na que a arpista viguesa Alba Barreiro actuará xunto a Pablo Mera (frauta) e Margarida Marino (violonchelo), agotou xa todas as entradas.
Eixos cromáticos ofrece unha viaxe a través dalgunhas das composicións de Andrés Gaos e Jesús Bal y Gay, transcritas e arranxadas por Alba Barreiro para arpa soa e trío de frauta, violoncello e arpa.
Con Música no Ar, a Deputación de Pontevedra está a programar ao longo deste verán quince actuacións de música clásica e de cámara en espazos patrimoniais da provincia como museos, igrexas, bens do patrimonio industrial, castelos, pazos ou fortalezas. Tralo paso polo Pazo Quinteiro da Cruz de Ribadumia este mércores, a iniciativa continuará en agosto por outros puntos da provincia.