Baixo a Carballeira de Ribadumia organizouse no ano 2001 unha xuntanza de amigos que rematou converténdose na Festa do Pan. Este ano celebrarase o sábado 12 de agosto a súa XX edición e todos os seus organizadores, dende o inicio, mais o grupo Alecrín xuntáronse neste lugar para presentala. O alcalde de Ribadumia, David Castro, comentou que esta festa "é un dos eventos destacados de Ribadumia, sobre todo porque cumple vinte anos e intentaremos que poda ser de interese turístico de Galicia". Agradecendo ás persoas, algunhas alí presentes, declarou que esta xente "dalgunha maneira puxeron en valor o concello e a Ruta da Pedra e da Auga, todos os muiños, recordando a época das nosas familias, dos nosos avós, dos nosos pais". Así, na Carballeira asistían todos os organizadores da festa que "teñen unha relevancia especial", recalcou o rexidor, pois "seguen con esa ilusión e bo facer, aínda que as administracións poñamos da nosa parte, ten que haber veciños e veciñas que teñan esa ilusión e poidan axudarnos", agradecía Castro deica os seus acompañantes que organizaron esta festa "xera un movemento económico moi importante na comarca e sobre todo en Ribadumia".
Nesta vinte edición haberá unha novidade: unha exposición fotográfica na praza do Concello "imaxes que nos pasaron persoas da comisión, recortes de prensa que ao final fixeron que isto poidese levarse a cabo". O ano pasado houbo unha media de 1200 persoas "ao límite da capacidade desta Carballeira e pasarnos dese número é moi difícil, imos tratas de cumprir os obxectivos de anos anteriores e dentro das posibilidades melloralas". David Castro recalca que todos están convidados a asistir á festa e que espera que é un evento pensado para todo o público, no que haberá tamén obradoiros infantís, pero sempre seguindo a temática da festa: o pan. "Queremos que a Festa do Pan sexa moi especial", declarou Castro.
Ademais, haberá pratos típicos a prezos populares como poden ser a venda de ovos fritos con pan a 2 euros, viño tinto do Salnés a 2,50 euros e papas de fariña milla ou chulas a 1 euro (ata esgotar existencias) e postos de polbo, pan, empanadas e sobremesas.
Media hora despois, ás 20.30 horas haberá unha saída cara os Muíños de Batán acompañados do grupo Xironsa para unha mostra teatral a cargo do grupo Alecrín e, a continuación, unha representación da moenda do millo do país, amasado e mostra de elebaoración tradicional do pan de millo. Xa as 22.00 horas se volverá ao escenario principal, é dicir, á Carballeira para a entrega de premios, a degustación de distintas variedades de pan e a cea de confraternidade amenizada con música tradicional e animación para toda a familia con inchables. O día reematará cunha verbena que comezará as 23.30 a mans do Dúo La Mecánica e as 24.00 se poderá desfrutar dunha queimada.
