O Arosa recibe o Rápido de Bouzas na Lomba (17:00 horas). O equipo de Luisito procura o seu sétimo partido seguido sen perder para consolidar o seu posto dentro da zona de fase de ascenso, na que leva instalado nas dúas últimas semanas.
O bloque arlequinado terá enfronte un rival vigués irregular, que a semana pasada caeu contra a Sarriana.
A pequena tregua da chuvia será un bo compañeiro de viaxe para o estado do céspede da Lomba, en moi mal estado para a práctica do fútbol, que será un dos condicionantes cos que deberán lidiar os futbolistas.
