A Fundación Amigos de Galicia en colaboración co Concello de Meaño levará o próximo mes de xullo o seu programa Mellor Acompañados á localidade nunha acción dirixida ás persoas maiores que viven en situación de soidade, proporcionando apoio psicolóxico e fomentando o envellecemento activo, a súa sociabilización e dixitalización.
O programa terá lugar os días 19, 20 e 21 de xullo na Casa de cultura de Dena, en horario de 9.30 a 12.30 horas, e as persoas interesadas poderán inscribirse a través do teléfono 986747585 ou mediante o whatsapp 638603837
Nos obradoiros impartiranse coñecementos de novas tecnoloxías nos que os maiores aprenderán a empregar as máquinas de uso cotiá, como poden ser as quendas de Concellos e Centros de Saúde, caixeiros automáticos (realizar transferencias, pagar recibos, ingresar e retirar cartos...), teléfonos móbiles (engadir contactos á axenda, uso do GPS, enviar enderezos electrónicos...), ou a aplicación móbil do Sergas.
