A Festa da Ameixa de Carril anunciou os premiados da súa XXVIII edición despois de que a xunta directiva da Orde da Ameixa de Carril acordara, por unanimidade, outorgalos no seu XVI Capítulo da Orde.
O premio Parquista Xoven recaeu en Pío González Pérez, mentres que Marcial Nogueira Leiro recibiu o Parquista de Honra. Os galardóns para as empresas foron para Cobre San Rafael, a Ameixa de Ouro, e para Venerupisgal S.L, a Ameixa de Prata.
Os recoñecementos máis esperados, a Dona da Orde da Ameixa e o Cabaleiro da Orde da Ameixa, distinguiron a Ángeles Vázquez e Raquel Lijó e a Pepe Ruíz e José Gallardo, respectivamente.
