A recollida de xoguetes da Asociación de Comerciantes Ribadumia Agárdate, en colaboración co Concello de Ribadumia culminou este xoves 4 de xaneiro coa entrega dos xoguetes recollidos a Cáritas interparroquial de Barrantes.
Non todos os nenos e nenas poden recibir xoguetes e agasallos durante o Nadal, así que "está na nosa man contribuír a achegarlles a ilusión e felicidade o máximo que poidamos. Deste xeito, tamén estaremos trasladando á pequena veciñanza a importancia da solidariedade e outros valores humanos típicos destas datas, e través deste pequeno xesto, lograremos xerar rostros de ledicia e sorrisos" explican dende o Concello.
Os xoguetes doados serán repartidos entre as familias que máis os necesiten para que todos/as os/as cativos/as poidan ter un xoguete este Nadal.
