O grupo municipal do BNG de Sanxenxo celebrará unha nova reunión informativa para abordar o cobro de vados non solicitados, con carácter retroactivo desde principios de 2020, por parte do Concello. Se ben o procedemento está paralizado actualmente, un dos motivos da reunión é "a pretensión do PP é aprobar unha nova ordenanza que sirva para sacar cartos á veciñanza e, deste xeito, poder pagar a política de cemento do señor Martín", segundo advertiu o voceiro, Fran Leiro.
A reunión terá lugar este venres, 19 de xaneiro, ás 21.00 horas, na Casa de Cultura de Dorrón, no lugar da Granxa. Está prevista a participación do avogado especializado Miguel Vieito que, ademais de resolver as dúbidas que poidan xurdir durante o encontro, achegará información sobre a nova ordenanza que"«o único que busca é recadar cartos". Leiro ten claro que "moita xente está farta da política de cemento e recadatoria de Telmo Martín", manifestou.