O Arosa SC comeza o ano este domingo (17.00 horas, A Lomba) cun partido que pode abrirlle paso cara a zona de play-off.
Non atravesa polo seu momento máis brillante ningún dos dous equipos, mergullados na batalla polos cinco primeiros lugares da clasificación, pero sen acabaren de ter a necesaria regularidade que concede garantías para ocupar os primeiros postos.
O triunfo diante da UDO e o empate contra o Alondras permitíronlle aos de Luisito encadear tres partidos sen perder. De lograren os tres puntos, os arlequinados adiantarían o bloque coruñés, actualmente quinto da clasificación. O Somozas está nun mal momento, despois de perder os dous últimos envites e de non gañar nos catro máis actuais.
