A Deputación de Pontevedra aprobou novos recursos para a activación do emprego na provincia nos concellos de Vilanova de Arousa e Rodeiro, aos que destinará preto de 280.000 euros para a contratación dun total de 22 persoas.
No concello de Vilanova de Arousa, o orzamento é próximo aos 160.000 euros, o que permitirá á Corporación municipal formalizar a contratación de dez persoas entre chofer-tractorista, albaneis, limpadores, mantedores de edificios, fontaneiros e guías de turismo. Mentres que algúns dos contratos serán de seis meses o resto terán unha duración de dez.