Aínda que a praia máis coñecida de Sanxenxo sexa a de Silgar, por atoparse esta en pleno núcleo urbano, o municipio conta con outras zonas costeiras con beleza e interese. Unha delas, atópase no noroeste e recibe o nome de Areas.
A praia dispón dun areal de 720 metros de lonxitude. Nel pódense atopar dunas, que son acumulacións de area xeradas polo vento e que posúen unhas capas suaves
e uniformes. Tamén poden ser producidas por variacións na cantidade de area.
Ademais das curiosas formacións, a area sobre a que se orixinan estas dunas é branca e fina, algo moi característico das praias do municipio de Sanxenxo. Xunto ás dunas, as persoas que deciden visitar este areal poderán atopar tamén unha ensenada no seu extremo sur, chamada praia dos mortos. A ensenada, polo seu lado, é unha entrada de auga circular ou redondeada cunha boca estreita. A erosión é igual en todos os puntos internos da contorna desta formación.
