A relación de proxectos finalistas dos 10º Premios Martín Códax da Música, que se desvelaba o pasado 10 de maio, ofrece unha ampla perspectiva do panorama musical galego na actualidade. O domingo 4 de xuño rematan as votacións abertas aos socios e socias de Músicas ao Vivo e tamén para o público xeral, que pode votar na categoría de Artista Emerxente a través da páxina web dos Premios. Nesta categoría os proxectos finalistas son Fillas de Cassandra, Sergio de Miguel e Lontreira. A gala desta 10ª edición dos Martín Códax celebrarase o 7 de xuño no Pazo da Cultura de Pontevedra, inspirada no mundo do viño; ali coñeceremos todas as propostas premiadas da edición, que concede o seu galardón honorífico a Luz Casal.
Socias e socios de Músicas ao Vivo poden votar ata o 4 de xuño entre os 45 proxectos finalistas nas quince categorías artísticas, tamén entre os nove proxectos finalistas nos tres Premios Organistrum: Salas, Festivais e Comunicación e Difusión Musical. No caso dos artistas seleccionados na categoría de Artista Emerxente, esta votación tamén está aberta ao público xeral. Promovidos por Músicas ao Vivo, os galardóns contan co patrocinio das Bodegas Martín Códax, ademais do apoio do Concello de Pontevedra, Agadic-Xunta de Galicia e Deputación de Pontevedra.
Proxectos finalistas dos 10º Premios Martín Códax da Música
Blues, Funk e Soul: Udra, Ángeles Dorrío, Apart
Folk: Quico Comesaña + Grupo, Xurxo Fernandes, Abril
Músicas do Mundo e Mestizaxe: Catuxa Salom, Ton Risco e Marcos Teira, Madalena Gamalho
Canción de autor/a: Santi Araújo, Su Garrido Pombo, Tomás Porteiro
Músicas urbanas: Sila Lua, Møu, Boyanka Kostova
Orquestras, Grupos e Música de Verbena: Burgas Big Band, Orquestra La Oca Band, Grupo Limón
Metal e heavy: Arrhythmia, Youcanthide, Lost Minnow
Bandas de Música Popular: Banda de Música Cultural de Salceda, Banda de Música Municipal de Silleda, Banda de Música “O Landro” de Viveiro
Música Tradicional: Pandeireteiras Sen Fronteiros, Paraíso Canto, Ailá
Música Infantil: Pakolas, Pillaband, Brais das Hortas
Música Clásica e Contemporánea: Fabio Álvarez, Mario G. Cortizo, Papagena
Electrónica: Carabela, Terrae, Mel
Jazz e Músicas Improvisadas: Lucia Martinez & The Fearless, David Regueiro Trio Ft. Alexandre Cavaliere, Valentín Caamaño
Rock e punk: Moura, Eager Platypus, Wetsocks
Pop e indie: Banda Aldaolado, Blanco Palamera, Momboi
Finalistas Artista Emerxente: Fillas de Cassandra, Sergio de Miguel, Lontreira