Os alumnos de terceiro, cuarto e quinto curso de primaria do CEIP San Tomé desfrutaron dunha visita guiada polo Concello de Cambados para coñecer así a labor feita dende a administración municipal e o funcionamento dos órganos de goberno que a compoñen.
Os rapaces e rapazas contaron coa axuda do alcalde de Samuel Lago, quen recibiu aos visitantes e aos seus docentes e foi o encargado de guialos polos distintos departamentos da casa consistorial.
Un dos privilexios dos que gozaron os mozos e mozas foi ocupar os escanos dos 17 concelleiros da corporación no Salón de Plenos mentres o rexedor explicaba por riba algúns dos aspectos máis importantes da xestión municipal, a función do alcalde e as competencias do equipo de goberno, así como o sistema de elección dos representantes municipais.
Durante a visita, Lago tamén lles aclarou as funcións das diferentes áreas departamentais e as competencias e relacións entre as diversas administracións públicas.