O desfile de Entroido que se celebra en Vilagarcía o martes, 21 de febreiro, obrigará a eliminar os aparcamentos nas rúas polas que discorrerá o evento, así como a cortar o tráfico rodado nas zonas afectadas. A Policía Local advirte de que os estacionamentos deberán quedar libres ás 15.00 horas e de que os peches de tráfico comezarán a realizarse de xeito gradual a partir das 16.45 horas.
As rúas afectadas por estas medidas son a Praza Doutor Carús, a s rúas Alexandre Bóveda (entre Doutor Carús e Castelao), Alejandro Cerecedo, Doutor Tourón (entre Alejandro Cerecedo e Praza de España), Praza de España, Edelmiro Trillo, Padre Feijoo, Praza da Independencia, San Roque (ata a confluencia coa rúa Santa Eulalia), e Juan Carlos l (ata a Praza de Ravella).
Ás 15 horas comezarán a retirarse coa grúa os vehículos que permanezan estacionados nas rúas Doutor Carús e Alexandre Bóveda, que xa deberán estar libres tras a celebración do mercado pola mañá. No resto do percorrido farase á a partires das 16 horas.
Os peches ó tráfico rodado comezarán ás 16.45 horas polas rúas Alejandro Cerecedo e Alexandre Bóveda. A partires das 17.15 horas, e en función do desenvolvemento do desfile, cortarase o tráfico na Praza España, Edelmiro Trillo e Praza da Independencia, e posteriormente na rúa San Roque e na Avda. Juan Carlos I, entre os cruces da Porta da Luz Salgada e o Ramal, coincidindo coa acceso da comitiva á Praza de Ravella.
A Policía Local advirte que estes peches producirán a inmobilización dos vehículos que puideran quedar aparcados na vía pública e nos garaxes do percorrido, así como os das rúas non comprendidas neste pero que poidan quedar verse igualmente afectadas polo paso do desfile.
A Policía Local recomenda aos veciños que garden os vehículos nos garaxes e quen non teña esta posibilidade, os estacione con anterioridade fora das zonas afectadas. Aos visitantes, aconséllase que entren en Vilagarcía antes das 16.30 horas e procuren estacionar nos aparcamentos disuasorios e párkings públicos.
Así mesmo, prégase que dentro do posible se evite circular pola zona urbana entre as 16.30 e as 21 horas, así como o máximo respecto a sinalización circunstancial e as indicacións dos axentes da Policía Local, que tratarán de facilitar a circulación que se espera que sexa lenta e densa nas vías alternativas: Rivero de Aguilar (estrada portuaria), Avda. Pablo Picaso, Avda. Cambados, Avda. Doutor Tourón, Rodrigo de Mendoza e Avda. Carolinas.
En caso de urxencia médica ou doutra índole, prégase comunicase telefonicamente coa Policía Local (986501582), desde onde tratarse de facilitar a chega dos medios de auxilio necesarios.
