Finalizaron as obras de humanización do vial do entorno da Igrexa de Padrenda, en Meaño, que permite de novo a apertura do tráfico de vehículos e peóns.
No tramo do vial desde a EP-9305 ata a zona próxima á igrexa creouse unha plataforma única, empregándose un pavimento en formigón desactivado combinado con amplas zonas de adoquín de pedra granítica no inicio e final do vial, así como diferentes franxas de adoquín ao longo do camiño para conseguir unha redución da velocidade de circulación dos vehículos.
O soterramento de novas canalización, sobre todo a canalización das augas pluviales, permitiu ganar ancho a ambas marxes do vial.
As obras teñen un orzamento de 113.562 euros, financiados polo Concello de Meaño.