A Escola Municipal de Música Bernardo del Río abre un prazo extraordinario de inscrición para cubrir as vacantes para o próximo curso escolar 2023/24 en varias especialidades, tanto instrumentais como non instrumentais. A matrícula deberá formalizarse na secretaría do centro o venres 8 de setembro, de 10.00 a 13.30h e de 16.30 a 20.00h. Tamén se pode remitir a documentación ao correo electrónico [email protected].
As especialidades nas que aínda quedan prazas libres son as seguintes: Música e Movemento (grupos de 4 a 7 anos), Vento Madeira (saxofón, clarinete e frauta traveseira), Vento Metal (trompeta, trombón, etc…), Linguaxe Musical de adultos e Agrupacións.
O impreso de matrícula está dispoñible no taboleiro de descargas da páxina web. Xunto con este formulario debidamente cuberto, os interesados deberán presentar o documento que acredite o número de conta bancaria (IBAN) e o DNI do titular de dita conta, a obxecto de domiciliar os recibos. As clases comezarán o vindeiro luns 18 de setembro.
