O servizo municipal de aluguer de bicicletas deixará de funcionar temporalmente desde ás 20.00 horas do martes 15 de agosto ata primeira hora do xoves 17, coincidido coas celebracións da noite previa e da Festa da Auga.
A suspensión do Vaibike! adóptase para previr danos e posibles actos vandálicos durante unha noite festiva na que Vilagarcía recibe a milleiros de persoas debido á celebración deste gran evento.
Por esta mesma razón, as bicicletas das estacións do centro urbano da cidade retiraranse para a súa salvagarda. Os vehículos volverán aos seus postos e o sistema volverá a estar operativo a partir das 8 da mañá do xoves.
