Os amantes do arte aínda están a tempo de admirar en Vilagarcía o traballo de Teresa Pajares, xa que a Concellería de Cultura decidiu ampliar ata o día 10 de setembro o prazo de visita de entre líneas de silencio, a exposición instalada na sala Antón Rivas Briones. A mostra componse dunha selección das obras realizadas nos últimos anos pola pintora madrileña afincada en Galicia dende hai décadas.
Teresa Pajares Vales é licenciada en Bellas Artes pola Universidad Complutense de Madrid, doutora en Belas Artes pola Universidade de Vigo e foi profesora titular do departamento de Debuxo da Facultade de Belas Artes de Pontevedra. Na súa traxectoria artística atópanse exposicións individuais e colectivas por toda España, así como varias en Francia e incluso algunha en Xapón e en Estados Unidos.
