Rematan as melloras da Praza de Abastos a través do selo dos Mercados Excelentes

O Goberno local de Vilagarcía deu por finalizadas as actuacións  actuacións de conservación e mantemento levadas a cabo nas últimas semanas na Praza de Abastos a través das axudas que leva o selo de Mercados Excelentes do que goza o servizo vilagarcián. Os traballos consistiron no repintado interior das instalacións, na substitución de vidros deteriorados, na revisión e limpeza dos canlóns de desaugue do tellado e no arranxo do falso teitos dos aseos. As obras, executadas pola firma Reformas Trébol, tiveron un custe de 44.000 euros que se financiaron coa subvención da Dirección Xeral de Comercio para a Dinamización da Rede de Mercados de Galicia.

As actuacións realizadas contribúen a manter e conservar as instalacións do mercado público en perfecto estado e a seguir avanzando na modernización e mellora dos sistemas de venta, tanto de cara aos vendedores, como aos usuarios. Nos vindeiros días levaranse a cabo dúas accións formativas orientadas aos concesionarios da sala de abastos a efectos de melloren as súas técnicas de venta e ofrezan un servizo de calidade aos seus clientes. Estes cursos fináncianse co resto da subvención, cuxa suma total ascendía a 72.000 euros e ao que o Concello sumaba un 20%.