O parque infantil da Xunqueira estrea unha renovada zona de xogos

Arranxáronse todos os elementos xa presentes, incluíuse unha nova rede tridimensional e substituíuse o pavimento de caucho nas zonas nas que estaba deteriorado

Nuevos y renovados juguetes en el parque infantil da Xunqueira en Vilagarcía. SAMUEL CARDALDA
photo_camera O parque infantil arranxou varios xogos. SAMUEL CARDALDA

O parque infantil da Xunqueira recupera esta fin de semana toda a súa superficie ao reabrirse a zona de xogos que levaba pechada unhas semanas co obxectivo de realizar traballos de mellora e mantemento. Rematadas as tarefas na zona máis próxima á praza do estanque, os nenos e nenas poderán divertirse nos xogos arranxados e pintados e trepar pola rede tridimensional de nova factura instalada pola Concellería de Medio Ambiente que dirixe Diego García.

Esta actuación, que se integra no Plan de mantemento e renovación dos parques infantís do municipio, tamén incluíu a posta a punto do pavimento de caucho desa área de xogos, substituíndo por material novo o das zonas nas que se atopaba deteriorado. Antes desta actuación, a Concellería de Medio Ambiente xa fixera labores de mantemento na zona do parque infantil máis próximo ao río, onde tamén de colocou un tobogán novo.

Tamén no marco do Plan de mantemento e renovación dos parques infantís, en febreiro renováronse todos os elementos de xogo do parque de Celso Emilio Ferreiro e xa está planificada a seguinte intervención no parque do Campanario, en Bamio.