Os actos conmemorativos do Día das Letras Galegas chegan mañá, 17 de maio, ao momento máis álxido da celebración e, como é costume, a actividades trasladarase ata Carril para facer a tradicional ofrenda floral ante o busto de Rosalía de Castro. A xornada vestirase de festa e de celebración coas actuacións folclóricas del grupo do Gato Negro e Malverias e cun animado concerto da formación galega De Vacas.
A axenda do Día das Letras galegas comezará ás 11.00 horas da mañá cos pasacalles dos grupos de gaitas que percorrerán as rúas da localidade. Ás 12.00 horas terá lugar a ofrenda floral a Rosalía de Castro, un acto no que participarán autoridades, representantes da cultura e veciños en xeral . A continuación haberá unha actuación de baile tradicional a cargo dos compoñentes da escola do Gato Negro e do grupo Malveiras e ás 13.00 horas, a formación De Vacas -famosas polas súas versións de grandes éxitos nacionais e internacionais con letras en galego e temáticas críticas e humorísticas- ofrecerá un concerto na Praza da Liberdade.
Exposicións ata finais de mes
Pese a que mañá é o día grande, a programación en conmemoración das Letras Galegas aínda manterase ata finais de mes a través de súas exposicións. Ata o 31 de maio poderáse visitar na sala de exposicións do Auditorio a mostra foto bibliográfica sobre o autor homenaxeado este ano, Francisco Fernández del Riego. A exposición inclúe mat erial moi interesante para coñecer máis a fondo a figura e a relevancia do que tamén foi fundador da editorial Galaxia. Os centros escolares que desexen concertar visitas guiadas poden xestionalo mandando un mail ao enderezo de correo electrónico [email protected]
E dende este martes, a Biblioteca Municipal organiza nas súas instalacións da rúa Rey Daviña unha exposición sobre o homenaxeado que tamén se poderá visitar ata o 31 de maio.