A extensa focha que se abriu a principios deste inverno no cruce das rúas San Roque e Santa Eulalia será arranxada de forma definitiva coa obra que o Concello vén de adxudicar á empresa Marconsa por importe de 14.310 euros. Despois do bacheo provisional realizado por operarios municipais nos días seguintes á apertura do burato, esta actuación mellorará as condicións para circular pola transitada intersección que rodea a estación de servizo de San Roque.
A focha xurdíu como consecuencia á suma da erosión causada polas chuvias e ao desgaste do firme neste punto no que conflúe o elevado tráfico de saída cara Pontevedra dende San Roque e Juan Carlos I co que atravesa a cidade a través de Santa Eulalia. A fondura da depresión causaba graves molestias para a condución e incluso un risco polo que, apenas un día despois de aparecer, foi arranxada de forma provisional polo Concello cun bacheo de urxencias mentres non se contrataba a obra definitiva e de maior calado que se vai a acometer de contado.
Tamén en materia de seguridade viaria, o Concello adxudicou a Marconsa o reacondicionamento do paso de peóns elevado da rúa Fernández Gil y Casal, na zonas das Pistas. Esta actuación ten un custe de 4.504 euros.