30 árboles de medio porte reporán os parques municipais

Os traballos de renovación da masa arbórea dos parques públicos e zonas verdes de Vilagarcía continúan cunha nova actuación posta en marcha pola Concellería de Medio Ambiente. Tras a corta de varios exemplares enfermos ou que presentaban riscos de desprendemento ou esborrallamento, co obxectivo de manter a masa forestal o servizo de Xardíns vén de adquirir unha trintena de árbores de medio porte e de sete especies diferentes. A Xunta de Goberno acordou adxudicar o subministro das árbores á cooperativa Estelas da Terra por importe de 4.700 euros.

Todos os exemplares adquiridos teñen xa un tamaño considerable a efectos de que arraiguen con éxito e de que medren e proporcionen verdor e sombra o antes posible. Por iso, o calibre dos troncos vai dos 12 centímetros de diámetro nas árbores de menor tamaño, ata os 30 dos máis grandes. Os exemplares adquiridos pertencen a sete especies diferentes; Liquidambar, Prunus serrulata (cerdeira), Castanea sativa (castiñeiro), Malus floribumba (maceira silvestre), Carylus avellana (abeleira), Fagus sylvática (faia) e Quercus rubra e robur (carballos).

Medio Ambiente tamén vén de contratar a elaboración dun Plan de avaliación e xestión dos arboredos do Parque da Compostela e do xardín botánico Enrique Valdés Bermejo. Igual que se fixo hai uns meses coas árbores do xardín de Ravella, da Praza de España e da Alameda. Encargouse un estudo detallado do estado no que se atopan os exemplares destes outros dous importantes parques do municipio, os que acollen árbores de grandes dimensións e de máis idade, algúns centenarios, co obxectivo de determinan a súa situación e establecer as medidas axeitadas a adoptar en cada caso.

Ravella acordou contratar este traballo á empresa Arbogal, que xa se encargara das actuacións nos anteriores parques. A medida ten un custe de 10.500 euros e inclúe a avaliación dos arboredos e a elaboración do Plan de xestión, creando unha base de datos con fichas individualizadas de cada exemplar, así como as actuacións recomendadas para o seu mantemento a corto e medio prazo, indicando si é preciso aplicar tratamentos, realizar podas ou mesmo talar.