Sanxenxo, un dos municipios máis escollidos para pasar as vacacións, conta con 36 quilómetros de costa. Parte desa lonxitude costeira pertence á Ría de Pontevedra, a terceira máis grande de Galicia.
Na marxe norte da ría, están Sanxenxo e Poio. Pola marxe sur, están Pontevedra, Marín, Bueu e Cangas de Morrazo. Sobre as súas augas atópase a Illa de Ons, a maior, e a Illa de Onceta ou Onza, a menor, que pertencen ao Parque Nacional das Illas Atlánticas.
Unhas das cuestións que máis caracterizan á Ría de Pontevedra, é a cantidade de bateas que ten, que son máis de 300. A este respecto, Galicia é una gran potencia no cultivo e comercialización do mexilón que se cría nas bateas.
No que respecta ás praias da Ría de Pontevedra, na súa maioría todas se caracterizan por areas finas e brancas. Un dos puntos de referencia neste sentido é a Praia da Lanzada, que conta cun areal de máis de catro quilómetros. Un dos motivos polos que Sanxenxo recibe tantos visitantes é pola calidade das súas praias.
