Ardentias, xerfas e silencio é o nome da nova exposición a cargo do pintor do mar Antón Sobral que se inaugurará este sábado 12 de agosto na Sala Nauta de Sanxenxo as 20.00 horas. Espérase a asistencia da concelleira de Cultura de Sanxenxo, Helena Torres, o alcalde de Sanxenxo, Telmo Martín e o Presidente do Parlamento Miguel Ángel Santalices. Ademais, cóntase coa asistencia do crítico de arte e comisario Antón Castro, o poeta Xaime Toxo e a actuación do cantautor Armando González.
Esta exposición está organizada polo Círculo Cultural Deportivo de Sanxenxo. O seu presidente, Paco Hernández comenta que Antón Sobral presenta "un espazo rodeado de mar, de ondas que se entregan á arte da pintura, de cores que o artista transmite sen saber o que está interpretar a persoa que goza da súa creatividade ou sibolismo".
O autor desenvolve a súa arte dendo o ano 1968, no que realizar a súa primeira exposición.Posteriormente chegaría a expor a súa arte por todo o mundo, como en Francia, Alemania ou Cuba. Manuel Bragado o define como "un activista galeguista insubornable, paciente e comprometido con todas as causas da humanidade", entre outras moitas cousas.
