O Concello de Ribadumia celebrou, este martes, o acto de presentación da VI Andaina da Festa do Viño Tinto do Salnés e das Variedades Autóctonas no salón de plenos municipal.
Este evento terá lugar o vindeiro domingo 4 de xuño a partir das 10:00 horas. As persoas interesadas en asistir poderán inscribirse no mesmo momento da andaina, que sairá desde a rotonda de Os Castaños e rematará nos Stands da Festa. En total, contará cun percorrido de 9km aproximadamente.
Como cada ano, a Andaina ten fins solidarios, pois nesta edición camiñarase en favor da loita contra o cancro.