O Concello de Ribadumia trasladou que o prazo para solicitar a comunicación e autorización necesaria para facer fogueiras con motivo destas festividades estará aberto ata o 17 de xuño no caso de San Xoán, e ata o 20 de xuño no caso das de San Pedro.
Por outra banda, dende a agrupación municipal fan fincapé na responsabilidade que recae nos veciños e veciñas que desexen participar na celebración destas festividades. Fan un chamado á responsabilidade e ó respecto cara o entorno e as normativas vixentes, garantindo así a seguridade de todos os asistentes e o coidado do medio ambiente.
É fundamental lembrar que as fogueiras deben levarse a cabo de maneira responsable e seguindo as indicacións e recomendacións establecidas polas autoridades competentes.
