Esgotadas en dúas horas as prazas dos 'Bosques Terapéuticos' de xuño
En dúas horas esgotáronse na mañá deste luns as 120 prazas para as oito rutas do programa provincial Bosques Terapéuticos previstas para o vindeiro mes de xuño, que se desenvolverán por sete espazos naturais da provincia: a Carballeira de San Xusto (Cerdedo-Cotobade), a Fervenza do Toxa (Silleda), a Ruta da Pedra e da Auga (Meis), a contorna da Ponte Colgante do Lérez (Cerdedo-Cotobade e Campo Lameiro), o Lago de Castiñeiras (Vilaboa-Marín), o Río Eifonso (Vigo) e a Carballeira da Illa de Tambo (Poio). Precisamente, este último itinerario volveu ser o máis demandado e recibiu máis de 200 peticións, sendo o primeiro no que se pecharon as inscricións.
No que respecta á Ruta da Pedra e da Auga, a actividade para o vindeiro mes está prevista o día 10, mentres que no mes de xullo celebraráse o día 23. Para este itinerario, a inscrición abrirase o 12 de xuño, ás 9.00 horas, a través do formulario que as persoas interesadas poderán atopar na web da Deputación.