O CIM da Mancomunidade do Salnés acolleu este xoves día 14 a segunda edición do Foro de Emprendemento de Mulleres O Salnés Emprende con M.
O Foro comezou ás 17.00 horas no Salón Pitusa e durante tres horas, persoas expertas, emprendedoras, directivas e representantes institucionais, económicas e sindicais abordaron a axenda común do emprendemento feminino en Galicia, o impacto das políticas de igualdade nas empresas e os recursos existentes.
O acto, que estivo aberto á cidadanía, abriuno a Secretaria Xeral de Igualdade da Xunta de Galicia, Sandra Vázquez, acompañada do Presidente da Mancomunidade do Salnés e alcalde de Ribadumia, David Castro.
O evento, no que participaron os Concellos que forman o CIM do Salnés, pretende asentarse como unha cita ineludible coa igualdade e a economía para o emprendemento, nun entorno óptimo para por en marcha proxectos profesionais liderados por mulleres e nun momento de desafíos sociais e económicos que require o coñecemento de recursos e medios, redes e espazos de reflexión e debate
