O filme dirixido por Jaione Camborda, O Corno, chega esta tarde de venres a Vilanova, lugar onde se rodou parte da obra, para celebrar a súa estrea
O pase especial terá lugar ás 20.00 horas no Auditorio Valle Inclán e contará coa presenza da directora e do equipo artístico da película, así como de moitas persoas da comarca que participaron na rodaxe como figurantes ou colaboradores. O acto comezará cun photocall, para dar paso á presentación e inicio da película, e posteriormente rematar, ás 22.15 horas, cun coloquio con Jaione Camborda e Janet Novás.
Asistirá o Alcalde de Vilanova, Gonzalo Durán, xunto co Concelleiro de Cultura e Deputado Provincial, Javier Tourís, e outros representantes de concellos da zona.
Na fin de semana o equipo do filme continuará coas presentacións en cinemas de Santiago, Ferrol e Lugo.
