O Auditorio de Vilagarcía recibe este venres, 23 de febreiro, a visita da Orquestra Sinfónica de Galicia. A prestixiosa formación musical regresa ao municipio arousá da man da Concellería de Cultura no marco das actuacións programadas co obxectivo de popularizar a música clásica achegándoa ao conxunto da cidadanía. Así, a entrada ao concerto será gratuíta e sen invitación. O público accederá ao Auditorio por orde de chegada e ata completar aforo, polo que se prega ao público que acuda ao recinto coa antelación suficiente para respectar a hora de inicio do concerto, fixada para as 20.00 horas.
Dirixida por José Trigueros, a OSF interpretará o venres un atractivo programa dividido en dúas partes e composto por obras de Félix Mendelssohn e Launy Grondahl. Para a ocasión, Amanda Pinos actuará como trombón solista.
Programa
I
FELIX MENDELSSOHN (1809-1847)
Obertura Las Hébridas (10’)
LAUNY GRONDAHL (1886-1960)
Concierto para trombón e orquestra (16’)
Moderato assaimamolto maestoso
Quasi una legenda: Andante grave
Finale: Maestoso - Rondó
II
FELIX MENDELSSOHN
Sinfonía nº 4 en La mayor, op. 90, «Italiana» (27')
Allegro vivace
Andante con moto
Con moto moderato
Saltarello. Presto
