A directora xeral de Xuventude, Participación e Voluntariado, Cristina Pichel, visitou o albergue xuvenil das Sins coas mozas e mozos que participan no programa de actividades Outono Xove da Xunta de Galicia.
A Consellería de Política Social e Xuventude está a desenvolver a terceira edición desta iniciativa, a través da que oferta actividades formativas e de lecer para a mocidade galega en oito albergues xuvenís da comunidade. A proposta que ten lugar nas Sinas denomínase Nómadas e inclúe raid multiaventura, scape room, tiro con arco, orientación, a elaboración dun podcast e obradoiros, entre outras actividades.
