O boureo da praza de Ravella que tanto se fixo sentir cara a tardiña do venres 11 de agosto, tiña unha explicación sinxela e especial. Ás 20.30 horas asomábase ao balcón da praza de Ravella a xornalista e 'influencer' viguesa María Foscaldo (@Meryfos), que conta con máis de 21 millóns de visualizacións en TikTok. Con ela dando o pregón poñíase comezo as Festas de San Roque que durarán ata o domingo 20 de agosto.
Contra todo pronóstico, María sinte pánico de falar en público, segundo contou a todos os veciños e veciñas de Vilagarcía. Aínda así, a 'influencer' deu un discurso de inicio da festividade da cidade onde houbo lugar para contar a súa historia persoal e para poñer en valor o traballo de todas as profesionais da limpeza e de todos os comercios e locais que forman parte do seu día a día. Todas as referencias, foron ditas por María e por María Virtudes de Galiñanes, a repunante, a personaxe que lle acompaña e que tanta fama acada en redes sociais.
Ás 21.00 horas, unha vez rematado o pregón, comezaba o desfile da ofrenda de San Roque dende a propia praza de Ravella ata a praza de España da igrexa Parroquial de Santa Eulalia. Entre os asistentes a este pistolezado das festas, observábase moita mocidade. Entre ela, estaban os famosos 'Mozos de Arousa', Raúl, Borjamina e Bruno. Xunto a eles, outros membros da asociación 'Arousa Moza' tamén participaban no desfile levando posta a camiseta da organización.
Todos os anos, os días das festas do Patrón de Vilagarcía están repletos de multitude de actividades para todos os públicos. Deste xeito, ademais das liturxias e tradicións galegas, introdúcense puntos de vangardas con actuacións musicais de grandes artistas. O venres pola noite, o rapeiro de música urbana, Don Patricio, ofreceu un concerto ás 23.00 horas no Parque da Xunqueira para rematar o primeiro día de festa bailando ao puro estilo urbano.
Tanto as persoas locais como a gran afluencia de visitantes, esperan con moita ilusión os días que están a vir. Os sorrisos deste primeiro día das Festas de San Roque 2023 parece estar preparados para seguir estando presentes.
Actividades antes da Festa da Auga
Hoxe ás 19.30 horas terá lugar o Certame Festaclown polas rúas e ás 23.00 horas comezará o concerto de Hijos da Lúa no Parque da Xunqueira. O domingo 13, terá lugar Tarzán O Musical e o luns no mesmo lugar darán un concerto Lontreira ás 21.00 horas e Rayden ás 23.00 horas.
O martes 15, ás 11.30 horas oficiarase a misa de San Roque cantada pola Coral de Santa Eulalia e ás 12.30 horas terá lugar a procesión. Finalizado o percorrido haberá repartición de viño e empanada. Pola noite, ás 21.30 horas comezará o concerto da Xaiba no Parque da Xunqueira e ás 23.00 horas, terá lugar o concerto de Factoría de Subsitencia, comezando así a noite da Festa da Auga.