Na noite deste martes tivo lugar, na sede do Partido Popular de Vilagarcía, un encontro de traballo entre os concelleiros da formación municipal e o presidente provincial, Luís López, e a secretaria xeral, Luísa Piñeiro.
Na reunión púxose en valor o resultado electoral obtido polo equipo de Ana Granja nas últimas eleccións, nas que foi a formación máis votada, e as actuacións realizadas durante estes seis meses.
Uns meses nos que o Partido Popular de Vilagarcía está en continuo contacto coa veciñanza para buscar solucións aos seus problemas e mellorar os seus servizos.
No encontro tamén se analizaron os temas de actualidade que máis preocupan aos vilagarciáns, así como as estratexias que a formación municipal desenvolverá nas seguintes datas.
A valoración do encontro foi "moi positiva" grazas á boa sintonía que existe entre o equipo municipal e a dirección provincial.
