A Área Sanitaria de Pontevedra e O Salnés vén de ofertar e dar cobertura, a data 1 febreiro de 2024, a un total de nove prazas de nova creación da categoría de médico ou médica de urxencias hospitalarias nos respectivos servizos de ambos distritos sanitarios. Este incremento das prazas estruturais xa viña incluído nas partidas do Capítulo I, correspondente a Gastos de Persoal, dos Orzamentos de 2024 da Comunidade Autónoma de Galicia.
En concreto, no distrito pontevedrés, o persoal do Servizo de Urxencias do Complexo Hospitalario Universitario de Pontevedra (CHUP), integrado polos hospitais Montecelo e Provincial, conta con seis prazas máis. Pola súa banda, no hospital comarcal do Salnés, o aumento das prazas foi de tres.
