A conselleira do Mar, Rosa Quintana, salientou durante a xornada deste venres o traballo do Club Náutico de Portonovo para manter a excelencia dos servizos que ofrece para a práctica das actividades de lecer. Unha labor que, segundo a conselleira, permitiu que no Náutico izara un ano máis as bandeiras Azul, que certifica a calidade ambiental, e Q de Calidade Turística, que recoñece a mellora dos servizos que se prestan aos turistas, ademais de situarse entre os portos deportivos máis importantes de Galicia.
A titular de Mar destacou o feito de que Galicia sexa a comunidade con máis bandeiras Q de Calidade nas instalacións náutico-deportivas, cun total de 15 distintivos, e a terceira máis galardoada de España en número de areais e portos deportivos con Bandeiras Azuis (en total, 123 recoñecementos). A maiores, Quintana subliñou que estes distintivos son" unha mostra do compromiso de Galicia co turismo responsable e sostible".
