A escola de aviación terá a súa presentación este sábado

Sala Nauta de Sanxenxo -situada no porto deportivo da localidade- acollerá este sábado, a presentación oficial da escola de tripulantes de cabina denominada ‘Aviation Privée’ cun equipo con marcado selo de Sanxenxo. As súas fundadoras, Paula Fernández, de Nantes , e Lucía Taboada, de A Coruña, contarán no seu equipo con Jose Cacabelos, de Vilalonga; Nerea González , de Dorrón, e Diana Fernández, de Nantes.

A academia que goza da homologación adecuada terá á localidade sanxenxina como a súa base de operacións, ademais de pór en marcha dous cursos: Un de Tripulante de Cabinada Pasaxeiros de dous meses de duración; e outro de Aviación Executiva, de tres semanas, pensado para aqueles auxiliares que queiran traballar en jets privados. Nos cursos impartiranse todas as asignaturas de AESA. A formación, ademais, contará con clases de imaxen persoal e protocolo, aviación privada e prácticas reais nun simulador de nun vóo entre Canarias e Madrid e outro no entorno de Sanxenxo. 

Pola súa parte, o Concello consedera «moi interesante» a ampliación das ofertas formativas do municipio con novas disciplinas e especialidades como a aviación coas que, a zona, garda históricamente relación a través dunha figura tan importante como o aviador José Piñeiro, nacido en Ferrol, pero asentado dende principios do Século XX en Sanxenxo.

XORNADAS OPEN DAY. Na xornada de portas abertas, Open Day, o equipo directivo, realizará unha charla de presentación na que estarán os profesionais da escola. A partir das 16.30 horas no Porto Deportivo de Sanxenxo. Para asistir recoméndase confirmar asistencia, xa sexa a través do seu instagram ou o seu whatapp. Tamén, durante a xornada de portas abertas, terá lugar a presentación do uniforme oficial da escola homologada e se realizará un sorteo entre os asistentes dun vóo de iniciación no aeroporto de Mazaricos.