O vicepresidente primeiro e conselleiro de Economía, Industria e Innovación, Francisco Conde, subliñou este sábado durante o peche do XII Congreso das Persoas Traballadoras Autónomas, impulsado por APE Galicia, o "esforzo da Xunta de Galicia por acompañar ás pemes e autónomos" fronte ás circunstancias excepcionais que está a provocar "a inflación, o prezo da electricidade ou os problemas de subministración, agravados pola guerra de Ucraína" e garantiu a prioridade para os autónomos "nas diferentes medidas que se están adoptando" para que o custo da enerxía e das materias primas teña o menor impacto posible nos seus negocios.
![Ambiente durante la cena. GONZALO GARCÍA](/media/diariodosalnes/images/2022/11/06/2022110619103745224.jpg)
Así, 30 millóns de euros do orzamento da Xunta para o vindeiro ano van ir destinados a ese obxectivo, a través do novo programa Impacto Autónomo, cunha axuda media de 1.200 euros, lembrou o vicepresidente, quen tamén quixo destacar que os autónomos e autónomas xa "foron un colectivo prioritario cando houbo que aprobar os catro plans de rescate" para axudar aos sectores máis afectados pola pandemia.
![Autoridades asistentes junto al vicepresidente de la Xunta, Francisco Conde (centro). GONZALO GARCÍA](/media/diariodosalnes/images/2022/11/06/2022110619112417456.jpg)
En total, destinaranse de xeito específico preto de 57 millóns de euros para apoiar o colectivo de autónomos e autónomas galegas, que neste momento representa o 20% das afiliacións na Comunidade. Ademais, pemes e autónomos poderán acceder a diferentes apoios para implantar instalacións de autoconsumo e para reducir o consumo de enerxía, con programas como o Bono Enerxía Peme.
![Ambiente durante a cea. GONZALO GARCÍA](/media/diariodosalnes/images/2022/11/06/2022110619123319050.jpg)
Durante a súa intervención no congreso, que se celebrou no Hotel Carlos I con arredor de 250 convidados e convidadas, e que serviu para entregar os diferentes galardóns desta edición, Conde recoñeceu o compromiso co bo facer e co bo servizo destes profesionais, así como o seu sentido da responsabilidade.
![José Froiz recolleu o recoñecemento póstumo a Magín Froiz. GONZALO GARCÍA](/media/diariodosalnes/images/2022/11/06/2022110619130086990.jpg)
No acto tamén participaron a conselleira de Promoción do Emprego e Igualdade, María Jesús Lorenzana; o alcalde de Sanxenxo, Telmo Martín; o delegado da Zona Franca de Vigo, David Regades; a subdelegada do Goberno, Maica Larriba; a deputada provincial de Novas Tecnoloxías e Desenvolvemento Empresarial, Ana María Mejías Sacaluga, e outras autoridades coma o presidente de APE Galicia, José Ramón Caldas Martínez.
PREMIADOS. Ao longo dunha noite especial como foi a do regreso do congreso de APE Galicia, tras un ano de parón a causa da pandemia, as autoridades entregaron os galardóns ás persoas premiadas nesta edición, que foron José Luis Corujo Grandela, de talleres Eleccorujo; José Antonio Rodríguez Araújo, de Carrocerías Digal; Alejandro Gómez-Ulla, da farmacia Gómez-Ulla; Fina Cabaleiro Portela, de Adega de Ardán; María Eugenia Silva Tarela, da Cofradía de Raxó; Minia Rodríguez García, de Transportes RG; e a Familia Ramírez. A todos eles recoñecéuselles a súa labor e o seu éxito xa que, grazas ao seu esforzo e dedicación, conseguiron acadar a competitividade nas entidades representadas, contribuíndo á creación de emprego na comunidade.
Por por último, APE realizou a entrega doutro galardón especial, adicado ao Consorcio Zona Franca de Vigo, motivado pola "labor que realizan a favor das persoas traballadoras autónomas".
Ao remate do acto, o público asistente puido participar na cea de homenaxe.