O programa Ler conta moito aterrou este mércores en Ribadumia para conmemorar o Día do Lector coa rapazada da Escola de Verán do Concello a través de representacións de contos, historias e outras actividades relacionadas co fomento da lectura entre os máis pequenos.
Durante toda a mañá, os rapaces e rapazas participaron na actividade Contos e cantos que falan de paz, solidariedade e respecto polo medioambiente a través da narración oral. Así, foron testemuñas e como o bardo Abelardo conseguiu traducir á lingüaxe dos humanos os sentimentos dos seres que habitan no fondo das fragas, dos ríos e dos mares.
Esta actuación encádrase dentro do programa Ler conta moito, que avoga pola dinamización da lectura nas bibliotecas públicas e é promovido pola Xunta de Galicia en colaboración coas entidades locais, neste caso, co Concello de Ribadumia, que cofinancia o 25% dos custos que supón este proxecto.
