O Concello de Meaño esgotou as prazas para o seu campamento municipal Ludoconcilia Meaño durante o mes de xullo. Os 55 postos dispoñibles cos que contaba o goberno local completáronse para as actividades deste mes.
A cita está destinada a rapaces e rapazas nados entre o 2010 e 2018 empadroados no Municipio de Meaño e realizaranse en horario de 08.00 a 15.00 horas. As familias contarán ademáis con servizo de fiambreira para aqueles nenos e nenas que leven a comida da casa.
Segundo confirmou o Concello, a programación será máis dinámica que a de edicións anteriores debido á situación da pandemia que o permite.
As actividades centraranse no CEIP Coirón de Dena e no Pabellón, además de noutros lugares da vila no que se levarán a cabo accións ao aire libre, e xa é pública a lista de admitidos.