A gala dos VI Premios Provinciais á Xuventude que organiza a Deputación de Pontevedra volveu a deixar patente a gran cantidade de talento mozo que abunda na provincia.
A cerimonia foi conducida pola xornalista e actriz Adela Bértolo e estivo amenizada pola actuación de Eva Pico, Lidia Aldao e Cristian Fernández, encargados de poñerlle a nota musical ao evento.
A presidenta da Deputación, Carmela Silva, encargada de entregar os primeiros premios de cada unha das categorías existentes, non dubidou en amosar a súa ledicia por esta xeración. Fíxoo nun discurso no que deixou claro que, malia as dificultades que tiveron que atravesar, o seu talento continúa a salir a flote a través de convocatorias como esta.
Unha convocatoria que, ademais, superou notablemente a súa precedesora no número de proxectos presentados, acadando os 75 envíos nas categorías de Iniciativa social, iniciativa empresarial, educación en valores, investigación, contido audiovisual, traballo musical, banda deseñada, fotografía orixinal e deseño de moda, ademais do concurso de vídeo Reacción polo clima.
Os gañadores da VI edición
► Iniciativa empresarial: Eire García Cid, por CRU Producións Cooperativa Galega.
► Educación en valores: IES Frei Sarmiento de Pontevedra, por Mulleres na ciencia? Abre os ollos!
► Investigación: Manuel Casal Guisande, por Deseño e desenvolvemento dun sistema intelixente de soporte á decisión clínica para a avaliación do risco de padecer cancro de mama.
► Contido audiovisual: Roberto Pastoriza Rodríguez, por Ata o final.
► Traballo musical:
Música clásica: María M. Arbigay Ligero, por No río dos Gafos.
Outros xéneros: Santiago Guerra Fernández, por Paint in blue.
► Traballo literario breve:
Narrativa: Inés Alonso Veloso, por El verano del 81.
Poesía: Eva Fandiño Pena, por Fogar.
► Fotografía orixinal:
Fotografía: Helena Constenla Lorenzo, por Futuro e esperanza do golfo de California.
Secuencia: Claudia Gómez López, por Rituais do cotián.
► Deseño e moda: Sabela Juncal Vidal, por Condominio.
► Reacción polo clima: Asociación de Amigas e Amigos da Empanada, por Estamos a tempo de paralo.
