A Illa organiza este sábado un xogo fotográfico para descubrir o municipio
22 de septiembre de 2023 (11:25 h.)
A actividade terá unha duración aproximada de dúas horas e farase por equipos
A Concellería de Cultura da Illa de Arousa organiza este sábado, 23 de setembro, un xogo fotográfico con múltiples probas para adiviñar e descubrir lugares do municipio a travé de fotografías.
A saída terá lugar na praza do Regueiro ás 11.00 da mañá. Para comezar, as persoas participantes deberán dividirse en grupos coa mesma cantidade de integrantes. Despois, asignaranse as pistas a cada equipo. A actividade terá unha duración aproximada de dúas horas e está prohibido empregar calquera transporte público ou privado.
Os interesados precisarán de roupa cómoda, un bolígrafo e un teléfono móbil con cámara. O premio está valorado en 100 euros a gastar na librería Castelao.