O alcalde de Cambados, Samuel Lago, deu por finalizada a obra de remodelación da Rúa Nova e da Rúa Albariño este mediodía nun acto no lugar no que explicou o proxecto acometido. A reforma consistíu na modernización da beirarrúa e a ampliación do espazo, xa que antes da reforma eran moi estreitas e estaban constituídas por escalóns, rampas ou pendentes pronunciadas, ademáis de estar feitas dun terrazo esvaradizo que complicaba o acceso. O rexidor asegurou que a urbanización era una obra á que lle tiñan “moitas gañas dende inicios do mandato” ao considerala “moi necesaria”.
No proxecto acometeuse a renovación integral tanto das instalacións soterradas como en superficie, habilitándose unhas beirarrúas máis anchas feitas en granito. O rexidor mostrouse “moi satisfeito co resultado” xa que foi un proxecto “realmente difícil dado que a beirarrúa de antes fora feita ó nivel dos edificios, o que provocaba eses desniveis”. Para correxilo, o Concello incluíu un paso elevado para peóns no entroque coa Rúa Albariño coa finalidade de que “os coches circulen a menor velocidade e de igualar o nivel entre as dúas beirarrúas e que os peóns poidan cruzar sen dificultade”, explicou Lago.
A reforma, cun custo aproximado de 90.000 euros, emprega unha estética de empedrado, igual que as zonas de aparcamento, carga e descarga e a recentemente habilitada área de estacionamento para persoas con movilidade reducida. Outra das melloras realizada foi “a prolongación da rúa, que no proxecto inicial estaba contemplada un pouco máis curta e decidimos ampliala ata a última vivenda que había aquí con ese diñeiro sobrante da licitación”, resaltou o alcalde.
Outro dos factores que tiveron que ter en conta foron as zonas de aparcamento da Rúa Albariño, na que no segundo tramo da rúa estaban no lado dereito, e no primeiro tramo no esquerdo, polo que producía un quiebro. “Optouse por trasladar, e foi tamén unha modificación no proxecto que non estaba contemplado, os aparcamentos á mesma marxe para que a rúa manteña todo o trazado recto”.
Por último, Lago explicou a solución adoptada cos restos arqueolóxicos atopados na zona. “Foron catalogados como vivendas antigas pero sin gran valor arqueolóxico, e polo tanto simplemente foron protexidas e soterradas novamente”, sentenciou o líder de goberno local.
